Joe Biden lo konsiderá akshon militar kontra Iran si no logra akuerdo nuklear

JERUSALEM – Joe Biden a keda entrevista ayera na Israel riba vários tema pero lokual a hala mas atenshon tabata su deklarashon si no yega na un pakto relashoná ku Iran tokante armanan atómiko.
E mandatario merikano a indiká ku Iran ta un peliger no solamente pa paisnan den Medio Oriente sino pa eksistensia di humanidat engeneral debí ku nan ta bastante avansá ku armanan atómiko.
E problema ta ku kada kuater aña tin un otro presidente ta keda elegí na Iran i no por deskartá ku un dia e pueblo por skohe un lider radikal ku lo bai trata na usa e armanan atómiko ku nan tin.
Joe Biden a splika ku ta p’esei nan lo ta dispuesto pa yega na un pakto ku Iran basta nan para ku e produkshon di armanan atómiko.
Den kaso ku no logra yega na un pakto ku Iran e último rekurso lo bira un akshon militar pa drenta e pais. Joe Biden tabata na Israel pa serka algun akuerdo i mester bisa ku Yair Lapid promé minister di Israel no kier pa Merka yega na ningun pakto ku Iran.
Israel ta prinsipal enemigu di Iran den region i Yair Lapid su deseo ta pa tuma akshon militar mas lihé ku ta posibel.