Joe Biden huntu ku Lula lo bai pone preshon riba e régimen di Maduro

WASHINGTON/BRAZILIA – Tin informashon ku ayera presidentenan Joe Biden (Merka) i Luiz Inácio Lula da Silva (Brazil) a hiba un konferensia via video conference kaminda e tema tabata e krísis despues di elekshon presidensial ku a keda selebrá na Venezuela.
Ta opvio segun ámbos mandatario ku e régimen di Maduro ku tin control total riba CNE (Consejo Nacional Electoral) no ta duna ningun detaye real di e resultado debí ku no tin transparensia.
Joe Biden a splika Luiz Inácio Lula da Silva ku ya kaba ela informá na Antony Blinken pa komuniká ku Jorge Rodriguez pa asina pone preshon riba Consejo Nacional Electoral pa publiká resultado real di elekshon 2024.
Luiz Inácio Lula da Silva a informá Joe Biden ku nan tambe ta riba mesun página i ku su gobièrnu i ta spera ku denter di poko lo haña resultado di elekshon presidensial.