Joe Biden durante su diskurso a brua i bisa ku e tin kanser

WASHINGTON – Ta parse ku presidente Joe Biden mester di bai algun dia di vakashon pura debí ku e ta
bou di bastante preshon ku problemanan serio di pais ku e mester atendé kuné.
Ayera durante Joe Biden su diskurso na Delaware a alarma hopi hende na momentu ku e tabata anunsiá medidanan regulatorio nobo ku ta na kaminda.
Joe Biden a brua bisa ku ela lanta ku kanser meskos ku hopi hende di su generashon debí na e kalor sofokante ku ta matando hopi hende na Merka.
Naturalmente su kolaboradornan no tabata por a intermediá durante Joe Biden su diskurso i na final bosero di su atministrashon mester a aklará ku e presidente a brua den palabra i ku no tin kanser.
Tin informashon ku Joe Biden ta bastante kansa físikamente i mentalmente i ku mester buska manera pa e tuma sikiera un siman di vakashon i laga Kamala Harris sigi atendé ku sentenáres di problema ku tin ku atendé kuné diariamente.
Tin informashon ku kaminda Joe Biden tabata duna su diskurso temperaturanan a yega na un rekòrt di 43 grado Celsius i ku e kalor sofokante aki por a pone afekt’é ku a pone brua i bisa ku e tin kanser.