Joe Biden a yega Sur Korea den su promé biahe pa Asia komo presidente di Merka

SEUL – Joe Biden a yega Sur Korea awe mainta den su promé biaha pa Asia komo presidente di Merka.
Yoon Suk-yeol ku resientemente a keda elegí komo presidente di Sur Korea a bai risibí Joe Biden na aeropuerto di Seul.
Tabatin un desfile impreshonante di militarnan for di momentu ku e karavana di outonan presidensial a sali for di aeropuerto te na kas presidensial ku ta keda den sentro di Seul.
E ophetivo di e gira di Joe Biden pa Asia ta pa konsolidá lasonan ku aliadonan di seguridat regional teniendo kuenta ku Nort Korea ta birando un peliger no solamente den e region aki sino pa pas mundial.
Ta konosí kaba ku Kim Jong Un no kier negoshá mas ku Merka pa lokual ta para ku su pruebanan ku armanan nuklear.
Joe Biden lo sigi ku su gira pa Hapon djadumingu , despues India i lo finalisá su biahe pa Oustralia.