Joe Biden a yega Arabia Saudita den un históriko buelo direkto for di Israel

RIYADH – Joe Biden presidente di Merka a yega Arabia Saudita den un históriko buelo direkto for di Israel.
E avion presidensial merikano Air Force One despega for di aeropuerto Internashonal Ben Gurión na Tel Aviv.
Joe Biden a haña un trato preferensial ya ku Isaac Herzog presidente Israel i su prome minister Yair Lapid a bai hiba e mandatario merikano aeropuerto.
E avion Air Force One a aterisá ayera tardi na Yeda ku ta keda na parti ost di Arabia Saudita kaminda prínsipe heredero Mohamed bin Salman a bai risibí Joe Biden.
Na momentu ku Joe Biden a topa ku prínsipe heredero Mohamed bin Salman esaki a bòns kuné.
Den un karavana Joe Biden i prínsipe heredero Mohamed bin Salman a keda dirigí pa palasio di Rei di Arabia Saudita Salmán bin Abdulaziz.
Joe Biden a kalifiká e reunion ku prínsipe heredero i rei di Arabia Saudita komo un paso importante pa drecha nan relashon i tas pera ku lo bai tin un redukshon di preisnan di kombustibel na nivel global despues di yega na akuerdo pa paisnan produktor oumentá nan produkshon.