Joe Biden a konfirmá ku e lider di Al Qaeda a fayesé

WASHINGTON – Joe Biden a konfirmá ayera ku e lider di Al Qaeda ku ta Ayman al Zawahiri a muri den un operashon anti terorista na Afganistan.
Tin indikashon ku forsa aéreo merikano a usa un drone ( avion no tripulá) den e operashon aki pa likidá Ayman al Zawahiri.
E operashon aki segun Joe Biden a tuma luga na Kabul (Afganistán) .
Komo Joe Biden a tèst positivo ku COVID-19 ela hañe ta hasi e anunsio aki for di balkon di palasio presidensial na Washington.
Joe Biden a bisa ku e morto di Ayman al Zawahiri ta nifiká ku hustisia a prevalesé ya ku ta trata aki di no solamente un terorista sino un asesino ku a mata hopi hende inosente.
Na final di e diskurso Joe Biden a bisa ku tur esnan ku kier hasi Merka daño kòrda semper pa wak den laira ya ku tin un dron ku lo por kaba kubo manera ta e kaso di Ayman al Zawahiri.
Den e operashon aki ta Ayman al Zawahiri so a fayesé.