Jill Biden primera dama di Merka a tèst positivo ku Covid-19

WASHINGTON – Elizabeth Alexander direktora di komunikashon na Kas presidensial na Washington a konfirmá ku Jill Biden (71) primera dama di Merka a tèst positivo ku Covid-19.
Tin indikashon ku Jill Biden a kuminsá sinti síntomanan leve di verkout for di siman pasa pero ayera na momentu ku ela hasi su tèst esaki a sali positivo.
Elizabeth Alexander a splika ku Jill Biden a bakuna dos biaha plùs ela haña dos booster shot di Pfizer.
Pa lokual ta presidente Joe Biden ku lo bai kumpli 80 aña na luna di Novèmber próksimo a keda aisla for di Jill Biden debí ku ela kaba di rekuperá di Covid-19.
Elizabeth Alexander a splika ku e dòkter ku ta atendiendo ku Jill Biden ta trate ku e píldora antiviral oral Paxlovid ku ta dunando un bon resultado.
Den e kaso aki Jill Biden lo tin ku keda aisla pa sigur 4 dia na kas presidensial na Washington te na momentu ku e tèst negativo atrobe.