Jetair a inougurá su di shete regional entre Kòrsou – Aruba

WILLEMSTAD- Jetair Caribbean a selebrá inisio di otro ruta mas, kual ta e konekshon entre Kòrsou i Aruba. E buelo inougural aki ta marka inisio di e di shete destinashon di e aerolínea di kual nos a hasi menshon ayera.
Pa selebrá e echo spesial aki varios entidat kòrta bolo i a tene un resepshon na Aeropuerto Internashonal Hato. Direktor ehekutivo Direktor di Jetair Caribbean sr. Antonio Ribeiro, gerente general sr. Robert Maas i direktor di merkadeo a dirigi nan mes ne invitadonan entre nan varios minister.
Na yegada di e promé buelo for di Aruba, e avion a risibí e tradishonal saludo di awa.
E ruta nobo di Jetair ta hasi posibel pa mas turista for di Aruba bin eksperensiá e produkto úniko ku Kòrsou ta ofresé. Ademas, e konekshon nobo ku Jetair a inisiá ta brinda tambe mas opshon di biahe pa nos pueblo lokal.
E buelo di Jetair lo ta 4 biaha pa siman, dos biaha riba djaluna i dos biaha riba djabièrnè.
E buelonan ta keda efektuá ku un Fokker 70 ku un kapasidat di 80 stul.