Jennifer Aniston ta kla pa un romanse nobo

Los Angeles – Jennifer Aniston ta kla pa un relashon nobo, asina e aktris a laga sa durante un programa radial Lunch with Bruce di Bruce Bozzi. Aniston a separá na 2017 di e aktor merikano Justin Theroux di kual e tabatin un relashon for di 2011.
E aktris di 52 aña tabatin un relashon entre 1998 i 2005 ku e akto merikano Brad Pitt. Nan a kasa na 2000 i a separá sinku aña despues ora ku Angelina Jolie a drenta den bida di Pitt. Aniston i Pitt tabata e pareha mas famoso e temporada ei.
E aktris konosí pa su ròlnan den e serie Friends, e pelíkulanan We’re the Millers i Horrible Bosses a splika den e programa ku su pareha mester tin konfiansa den su mes, pero no na un manera egoista, E mester ta amikal, alegre, mester por duna espasio i por komunika bon ku su pareha.