Jedrek Magdalena, presidente di FEBEKO: “Vários pelotero di Liga menor a konfirmá”…

• Sr. Jedrek Magdalena ku ta presidente di Federashon di Baseball di Kòrsou awe mainta a papia den e rueda pa prensa estilo “zoom” ku a wòrdu monta na Caracas. Durante e rueda pa prensa a informá di invitashon ku a bai na Kòrsou i Cuba pa tuma parti na e Serie del Caribe di 2023 ku a haña e nòmber di “Gran Caracas”.
Durante e rueda pa prensa ku 5 Star a skucha a puntra nos máksimo dirigente di baseball kua ta e peloteronan ku Kòrsou lo konta kuné den e Serie del Caribe di 2023.
Sr. Magdalena a kontesta ku tin pelotero di Liga Menor ku a konfirmá nan partisipashon ku Kòrsou.
Tambe lo mira den MLB ku tin interes.
Tin YDK ku ta hunga na Ulanda i Italia. I naturalmente esnan di Kòrsou tambe.