Internashonal
Jeanine Áñez eks presidente Interino di Bolivia kondena na 10 aña di kastigu di prizon
LA PAZ – Den fin di siman ku kaba di pasa despues di kas 8 ora di deliberashon tres wes di Korte Supremo di hustisia na Bolivia a yega na un desishon pa kondena Jeanine Áñez eks presidente Interino di Bolivia na 10 aña di kastigu di prizon.
Esaki ta nifiká ku lo bai deskontá e tempu ku Jeanine Áñez a keda enkarselá kaba for di su kondena aktual.
Jeanine Áñez lo keda enkarselá na e prizon ku yama Miraflores segun fuentenan ofisial.
Pa lokual ta e dos otro akusadonan ku ta William Kaliman eks komandante di armada i Yuri Calderon eks direktor di kuerpo polisial na Bolivia tambe a keda kondena na 10 aña di kastigu di prizon.
Jeanine Áñez a tende su sentensia na Prizon ya ku su abogado tabata e úniko ku a keda atmití pa ta presente na sala di Korte Supremo.
Jeanine Áñez a keda detené for di 13 di mart di 2021 den un operativo enkabesá pa Jhonny Aguilera komandante general di Polis Boliviano.