Jeandrelyse “Cici” Jacobino-Isenia

Jeandrelyse “Cici” Jacobino-Isenia ta introdusí su EP titulá Dios di Milager. Un album di gòspel kòrtiku ku ta ilustrá e kaminda di lamento pa goso. E promé dos kantikanan, “Te ki dia”, i espesialmente “Mi ta pidi” huntu ku Eric Jacobino ta kuadra bon durante siman di kultura ku nos ta’den aktualmente. E lista kompletu di e kantikanan di Cici su album ta: 1. Te ki dia; 2. Mi ta pidi; 3. Ami i mi kas; 4. Salmo di mi alma; 5. Dios di milager; 6. Abo so. E EP ta riba servisionan di streaming, i tin un video clip di ‘Te ki dia’ (https://www.youtube.com/watch?v= M4t4Kw2TLek) ku mas video clip pronto na kaminda.