Jane Fonda a keda diagnostiká ku kanser i a kuminsá ku tratamentu

LOS ANGELES – Jane Fonda (84) konosido aktris i aktivista ku ta hopi aktivo den e ámbito di kambio klimatiko a konfirmá ayera ku ela keda diagnostiká ku kanser.
E tipo di kanser ku Jane Fonda a keda diagnostiká kuné ta Non-Hodgkin’s Lymphoma i ku aparentemente ta tratabel. Jane Fonda a splika ku e tabata sinti su kurpa malu pa algun ratu kaba i na momentu ku ela bai hasi su chekeo médiko a detektá ku e tin Non-Hodgkin’s Lymphoma i debí ku e ta na tempu e chèns di sobrebibí ta 80 porshento.
Tin indikashon ku pa fin di e siman aki mes Jane Fonda lo kuminsá ku tratamentu di Chemo na Mayo Clinic na Minnesota.
Jane Fonda a bisa ku e tin konfiansa ku elo kura i ku lo bai sigi atendé ku su aktividatnan di aktivista pa kambio klimatiko i derechonan humano despues di kaba ku su tratamentu di Chemo ku lo bai dura 6 luna.