Internashonal
Italia ta spera di ta independiente di gas Ruso pa 2024
ROMA – Mario Draghi promé minister di Italia durante su rueda di prensa ayera tardi a informá na e pueblo ku e situashon di suministro di gas ta práktikamente solushoná.
Promé ku e gera entre Ukrania i Rusia a kuminsá gobiernu di Mario Draghi tabata importá 80 porshento di nan gas i petrolio serka Rusia.
Pero durante un periodo kòrtiku a kuminsá importá gas i petrolio serka Argelia i Azerbaijan.
Esaki ta nifiká segun Mario Draghi ku pa e aña aki nan lo por yega un 80 porshento i pa fin di 2024 nan lo yega 100 porshento independiente di gas for di Rusia.
Mario Draghi ta di opinion ku e situashon lo por bira algu difísil durante periodo di friu pero asina mes lo bai tin e situashon bou di kontrol.
For di prinsipio di aña Italia a aselerá e desaroyo di energia revokabel i a solisitá konekshon di konekshon di plantanan di energia renovabel pa kasi kuater biaha e kapasidat total instalá na 2020 i 2021.