Deporte
Iran ta sorprendé e ekipo di Wales ku skor di 2-0
DOHA (C) – E selekshon di Iran i Wales a enfrenta otro den e promé partido di awe mainta
Tabata un partido ku no ta tin muchu kos aden den e promé mitar.
Ta tin hopi pèrdèmentu di bala i no ta tin kordinashon den e wega pa loke ta trata e promé tempu.
Hopi pasenan malu pa loke ta trata den sentro di tereno.
Esaki sigur a deslusi e partido aki .
Den di dos tempu ora ta flata un 20 minüt e ekipo di Iran a kuminsá ta move mas i ta bishita e área di gol di e ekipo di Wales .Esakinan a risibí basta preshon i na dos okashon bala ta dal den pali gol i na 3 okashon e portero ta trese salbashon.
Ora ku tur hende lo a kere ku e partido ta kaba empatá ya ku ta falta un solo minüt ta bin e gòlpi duru pa Wales i un tiru di distansha ta vense e portero i hiba Iran dilanti. Djis un par di sekònde mas un kontra golpe ta duna Iran nan di dos gol p’asina nan gana e wega.