Lokal
IPE I HUIS VAN ASPORAAT: A SERA AKUERDO PA PREPARÁ I EMPLEÁ KUNUKERUNAN MODÈRNO
Willemstad – Institute For Professional Excellence i Huis van Asporaat, (produktor di obranan di teatro i agente di artista tantu den Reino komo internashonal), i Huis van Asporaat, den e kaso aki bou di e nòmber United States of the Caribbean (USC), a firma un akuerdo di koperashon bou di kua lo prepará i forma kunukerunan den teknologia modèrno di plantashon.
10 di e kursistanan lo tin e oportunidat pa haña trabou den Hòfi Mango unabes ku nan kaba e preparashon eksitosamente.
IPE i USC di e forma aki ta kontribuí konkretamente na kuponan di trabou pa e kunukerunan ku dominá métodonan di plantashon modèrno, seguridat alimentisio riba nos isla i tambe redukshon di importashon di fruta i bèrdura for di kompanianan den eksterior.
(Foto Edsel)