Inter Willemstad a logra un empatá ku Jong Colombia

WILLEMSTAD (C) – Den e promé wega kual a tuma luga djasabra anochi den stadion di Antoine Maduro e ekiponan di Jong Colombia i Inter Willemstad a enfrentá otro.
E ekipo di Jong Colombia kende ta na di dos puesto i ku sigur a sorprendé tur hende ku nan futbòl a enfrentá e ekipo di Inter Willemstad kual ekipo sigur ta leu for di kual nan tabata kampionato anterior.
Den e wega aki e ekipo di Jong Colombia ta pika dilanti na di 44 minüt i e gol a keda nota pa Belioso.

Pero mala suerte a toka nan ku algun leshon i esaki a pone ku e ekipo a manera flakea un tiki i Inter Willemstad ta empatá e wega aki i esaki a sosodé na minüt 65 ku gol di Selassa
Jong Colombia sigur tòg a keda kontentu ku e un punto aki ya ku nan a totalisa 20 punto kual tòg ta duna nan e chèns pa ta drenta den kaya 6.
Di otro banda Inter Willemstad ta na di 7 puesto pues e empatá no a yuda masha.