Inscripcion online pa Landsexamen 2022 MAVO/HAVO/VWO

Inscripcion pa landsexamen 2022 ta tuma lugar den e periodo di 1 di september pa 30 di

september 2021.

Den cuadro di mehoracion di servicio, a digitalisa henter e proceso di inscripcion: Entrante 1 di

september 2021 inscripcion pa Landsexamen ta bay online, a trabes di un formulario digital.

Tur persona cu kier participa na Landsexamen mester yena e formulario di inscripcion digital y

upload tur e documentonan rekeri, manera p.e. certificado, diploma, listanan di cifra obteni cu

firma oficial y copia di un extracto di registro di Censo di Aruba.

Tur informacion necesario ta acesibel a trabes di e website Enseñansa Aruba: www.ea.aw.

Riba e pagina principal di e website mester busca Landsexamen (bou di letter L) den e alfabet

menu.

Ta urgi un y tur pa por fabor lesa tur informacion, incluso e “Informatiebrochure Landsexamen

2021” prome cu yena e formulario di inscripcion online.

Candidatonan cu ta cumpli cu tur regla di inscripcion y a pasa e “screening” ta wordo

notifica pa manda on line un copia di e recibo di pago of pagonan si ta paga

den parti. Pone riba bo recibo (nan) bo nomber y e vak cu bo a paga pe.

Si no entrega tur documento necesario of si e inscripcion drenta despues di dia 30 di september

2021, ya no por procesa e inscripcion. E periodo menciona den ley ta di 1 di september te cu 30

di september.

MAS INFORMACION

Pa mas informacion por acudi n’e website di Departamento di Enseñansa Aruba www.ea.aw

como tambe sigui DEA via social media, facebook y instagram @EducationAruba, pa keda na

altura di tur informacion oficial.