Ingrid Betancourt a pidi: Maduro pa stop di protehá geriyeronan Colombiano riba teritorio venesolano

BOGOTA – Ingrid Betancourt lider di e partido Verde Oxígeno a hasi un petishon na presidente Maduro pa stop di protehá organisashonnan geriyero Colombiano riba teritorio venesolano.
Ta konosí ku gobiernu di Maduro ta anfitrion di e negosiashonnan pa yega na pas entre gobiernu Colombiano i e organisashon di geriya ELN.
Den e kaso aki e negoshashon di pas ku e organisashon geriyero ELN a kuminsá na 2017 na Quito i Habana, durante e gobiernu di eks presidente Juan Manuel Santos.
Pa despues keda suspendé na 2018 pa su susesor eks presidente Iván Duque i pa awor ta den negoshashon di nobo ku presidente Gustavo Petro.
Ingrid Betancourt a bisa ku Venezuela ta hunga un papel fundamental den e diálogo pa un hecho ku diferensia di e dos otro pais ku ta haña respaldo di Cuba i Noruega.
Di e ocho organisashonnan di ELN un di esnan mas poderoso ta ópera na estado Zulia i Apure.