Internashonal
Inglatera a sanshoná pastor Òrtodòks Ruso Kirill ku ta apoyo gera di Putin
LONDRES – Gobièrnu britániko a anunsiá awe mainta ku nan a kuminsá ku e trámitenan kaba pa bai sanshoná Kirill hefe di iglesia Òrtodòks Ruso ku ta apoyando invashon Ruso na Ukrania.
E lider religioso di 75 aña di edat ta keda pone tambe riba lista pretu di Union Europeo debí ku e ta apoyá Vladimir Putin pa sigi ku su gera te final.
Kirill pa algun tempu kaba no tabata skonde su sintimentunan durante su seremonianan di misa
pa bai un gera kontra Ukrania.
Ta parse ku Kirill tin un pashon pa armanan di gera ku ta keda usa pa mata supuestamente enemigu nan di Rusia.
Huntu ku e lider religioso òrtodòks aki Inglatera a sanshoná Maria Lvova-Belova presidente di e organisashon pa derechonan di mucha.
E motibu dikon gobiernu di Inglatera ta bai sanshoná Maria Lvova-Belova ta debí ku ela kuminsá ku e proseso pa adopshon di mas ku 2.000 mucha Ukraniano na Rusia.