Informe di ministerio di defensa Britániko: Ta konfirmá ku un total di 12 general Ruso a muri den kampo di bataya durante gera na Ukrania

LONDRES – Ministerio di defensa Britániko a konfirmá ku sifranan ku nan tin ta ku ehérsito Ruso a sufri bastante pèrdida di alto mando militar for di komienso di invashon na Ukrania.
Informashon konkreto di lokual ta pasando den kampo di bataya ta ku te kuné momentunan aki un total di 12 general Ruso a muri den kampo di bataya durante e invashon na Ukrania.
Algun di e generalnan ku a fayesé den kampo di bataya a keda identifiká komo general checheno Magomed Tushaev, general Andrei Sukhovetsky, general Vitaly Gerasimov, Yakov Vladimírovich Rezántsev i general Roman Kutuzov.
General Roman Kutuzov tabata e último ku a muri durante un kontra atake di ehérsito Ukraniano na Donbás.
E motibu dikon asina tantu general Ruso a muri durante un periodo asina kòrtiku ta debí ku nan mes tabata den kampo di bataya huntu ku nan militarnan.