Impreshonante kaso di Monkey Pox na Alemania di pashènt ku tin HIV

BERLIN – Un hòmber aleman ku ta HIV positivo na Alemania a bai dòkter debí ku su kurpa a kuminsá yena ku blar grandi yena ku pus.
Na momentu ku ela tèst a bin resultá ku ela keda infektá ku Monkey Pox i pa kolmo tabata tene relashon seksual ku hòmber.
E hòmber su nanishi i parti íntimo a kuminsá putri i ku su dòkter a logra kura esaki parsialmente ku antibiótika.
E Monkey Pox aparentemente ta forma un peliger mas grandi pa hendenan ku ta HIV positivo. Segun estudio di sientífikonan aleman e kaso di Monkey Pox aki a resultá bastante grave debí ku e kombinashon di HIV i sífilis a pone e kueru kuminsá putri.
Segun e último balanse di World Health Organization tin un total di 31.665 kaso di Monkey Pox registrá na nivel global i 12 persona a muri.