Hustisia hulandes ta sigi bringa desishon pa retorná 19,5 mion Euro

DEN HAAG. Ministerio Publiko na Hulanda a firma apelashon kontra e desishon di Korte di Hustisia hulandes pa lòs e suma di 19,5 euro ku FIOD a konfiská ya kasi dos aña pasá ku tabata en ruta di Paramaribo pa Hong Kong.
Dia 10 di yanuari ultimo Korte di Hustisia na Amsterdam a dikta ku gobiernu mester retorná e plaka na e bankonan na Surnam.
Pero faltando un dia pa e limite di por a apelá a yega, Belasting hulandes a apelá e desishon ne tribunal maksimo di e pais pasobra nan ta konsiderá ku ta un transakshon ilegal.
Esei ta nifika ku e proseso tin ku kuminsa di nobo pe maksimo tribunal husga si Ministerio Publiko hulandes tin rason di keda ku e plaka.
Mr. Aroon Gonesh kende ta abogado di Banko Sentral di Surnam, a konfirma e notisia ayera.
Dos siman pasá Korte di Hustisia a ordená liberashon dje plaka ku tabata 19,5 mion euro kèsh.
Ku e apelashon aki mester skòrs e veredikto pa liberá e plaka i no por retorná e plaka pa e bankonan doño.
Korte Supremo hulandes su desishon tin mas peso ku esun di Korte di Hustisia i nan por evaluá si un tribunal komun a aktua korektamente.
Abogado Gonesh ta optimista ku Korte Supremo lo dikta na fabor dje bankonan.
Ta dia 17 di aprel di 2017 reshèrshe aduanero hulandes a konfiska e plaka riba sospecho di labamentu di plaka.
E plaka a yega Schiphol ku avion i tabata destiná pa un banko na Hong Kong ku lo a pone e plaka legalmente den sirkulashon riba kuenta dje bankonan.
Tre s banko na Surnam ta doño dje plaka.