Hunter Biden poniendo su tata pasa bèrgwensa un biaha mas

WASHINGTON – Joe Biden presidente di Merka a kasa Jill Blazer na aña 1977 i huntu nan a haña kuater yu.
Nòmbernan di e kuater yunan aki di Joe i Jill Biden ta Hunter,Ashley, Beau i Naomi Biden.
Na aña 2015 durante momentu ku Joe Biden tabata vise presidente di Merka su yu hòmber Beau Biden a fayesé di kanser.
Hunter ku ta e yu hòmber mayó di Joe i Jill Biden semper a duna su mayornan hopi dolor di kabes debí ku e tabata adikto na droga i alkohòl.
Kiko a pasa awor ta e siman aki a keda publiká riba retnan sosial ku Hunter Biden ta sali riba un video ku a dura 18 sekònde huntu ku un dama den un kamber di hotel ta pisa loke na ta yama Crack na Merka.
Esaki sigur lo bai afektá reputashon di Joe Biden ya ku supuestamente e ta promové lucha pa para ku trafikashon di droga i awor su yu hòmber mes ta sali riba un video ta pisa droga huntu ku un muhé.
Ya kaba tin hopi komentario ta sirkulá ku si Joe Biden no por a kontrolá su propio yu ku ta un adikto na droga, alkohòl, prostitushon i amante di arma di kandela ta ku kual outoridat ta un ehèmpel pa restu di e merikanonan.
No muchu tempu pasa e mesun Hunter Biden aki a sali sunú den un kamber di hotel ku un otro muhé ta poseé ku arma di kandela.