Humildat ta mi yabi di exito den retonan den bida!

Na momento ku ma haña sa mi vokashon pa mundu di Beyesa mi tabata sa ku un dia lo mi por logra metanan grandi den bida, p’esei e personahe aki ku awe unda ku e pasa ta rekonosí pa su trayektoria ta orguyoso di por a kaba un etapa na Kòrsou i sigui awor ku e siguiente meta na Hulanda.
Ma kria den un bario kaminda humildat ta palabra sentral, ma lanta ta hunga tur spèl i no ta arepentí nunka di un bon edukashon risibí pa mi mayornan.

Ma disidí riba mi mes pa invertí tur mi sènnan den mi mes pa asina mi bira e hende ku ami ke ta i mi sa ku e ta serka di pasa ku e kambio aki, Korsou pa mi tabata un bon plataforma pa entrená pero a yega momento ku kosnan grandi, esenarionan mahestuoso i hendenan prestigioso ku lo pusha mi kaminda mi ke drenta.

Despues di a gana 104 título máksimo den 20 aña, mas ku 500 títulonan popular i Direktor di Aña 3 x na Repúblika Dominikana mi ta satisfecho i duna espasio na mi koleganan pa nan eksperensiá i sinti e sabor ku mi tambe a sinti! Mi kurason ta na Kòrsou paso mi ta kere den Edukashon kombiná ku Beyesa i mi tim lo keda traha pa Miss Curaçao Teenager i Mini Beauty ku awor aki ta start bek, kiko nos a hasi Covid 19 tabata tin influensia riba mundu kompleto i nos tin ku realisá ku Dios tin un propósito ku tur kos ku pasa i nos tin ku siña di dje!

Awor aki mi ta hopi kontentu ku un di e kompanianan mas grandi di outo na Kòrsou a depositá nan konfiansa den mi ku ta AutoCity i mas ta aserka pa mi pa proyektonan den futuro pero aunke mi ta kontentu mi ta tòg pensa: Dikon un profeshonal tin ku Sali su pais pa nan mira su balor? Pero tin preguntanan ku mihó bo no warda kontesta i biba ku e momento ku por lo ménos e pokonan aki ta apresiá bo profeshonalismo.
Awor aki nos ta bisa laga nos keda kana den kaminda di Fe paso kosnan grandi na kaminda.

Aubrey America