HUMILDAT

E gradonan di humildat: 1 konosé bo mes, 2 aseptá bo mes, 3 lubidá bo mes, 4 duna bo mes.
1 Konosé bo mes. Promé paso: konosé e bèrdat di bo mes.
Ya e griegonan antiguo a pone komo un gran meta aforismo: “Konosé bo mes”. Beibel ta bisa respekto esaki ku humildat ta nesesario pa ta sabí: Kaminda tin humildat tin sabiduria. Sin humildat no tin konosementu di bo mes i, pues, falta sabiduria.
Ta difísil konosé bo mes. Soberbia, ku semper ta presente denter di hende, ta tapa e konsenshi, ta embeyesé e propio defektonan, ta buska hustifikashon pa fayonan i pa pikánan. No ta straño ku, dilanti un hecho, klaramente malu, orguyo ta nenga na aseptá ku e akshon ei tabata real i ta yega na pensa: “mi no por a hasié “, o bien “loke mi a hasi no ta malu”, òf inkluso “e kulpa ta di otronan”.
Pa superá: eksamen di konsiensia honesto. Pa esaki, promé pidi lus di Spiritu Santu i despues mira di forma ordená e hechonan bibá, e kustumbernan ku a saka rais mas den e propio bida – flohera òf dedikashon, sensualidat òf sobriedat, envidia…

2 Aseptá bo mes. Unabes ku bo a haña un konosementu propio mas o ménos profundo ta bini e di dos grado di humildat: aseptá e propio realidat. Ta resultá difísil pasobra soberbia ta rebelá ora realidat ta mahos òf defektuoso.

Aseptá bo mes no ta mesun kos ku resigná bo mes. Si bo aseptá un defekto, eror, limitashon òf piká ku humildat, bo sa kontra kiko lucha i viktoria ta bira posibel. Ya bo no ta kana siegamente sino ku bo konosé e enemigu. Pero si bo no aseptá e realidat, ta sosodé manera den e kaso di e enfermo ku no ke rekonosé su enfermedat: e lo no por kura. Pero si bo sa ku tin kura, bo por kooperá kue dòkternan pa mehorá. Tin defektonan ku nos por superá i tin límitenan natural ku nos mester sa na aseptá.
Denter di e kustumbernan, ta yama esnan bon virtutnan pa e forsa ku nan ta duna na e bon deseonan; ta yama esnan malu bisionan, i nan ta inkliná na e malu ku mas o ménos forsa segun profundidat di nan rais den e aktuashon humano. Ta útil buska e defekto dominante pa por evitá e pió inklinashonnan ku mas efikasia. Tambe ta kumbiní konosé e kualidatnan mihó ku bo ta poseé, no pa buya, sino pa gradisí Dios, ser optimista i desaroyá e bon tendensianan i virtutnan.

Piká ta distinto di un eror òf un limitashon, i ta kumbiní distinguí nan. Un piká ta un akto liber kontra e lei di Dios. Si e ta normal e ta kombertí den un bisio, rekeriendo su eliminashon, un tratamentu fuerte i konstante. Pa kita un piká ta basta ku arepentí i e propósito di korekshon uní na e apsolushon sakramental si e ta un piká mortal i ku un akto di kontrishon si e ta venial. Bisio en kambio mester di hopi konstansia den apliká e remedi pues e tin e tendensia di reprodusí pikánan nobo.
Erornan ta mas fásil pa superá pasobra nan ta kustumbrá di ta involuntario. Unabes deskubrí ta pone e remedi i e kosnan ta bai bek riba e kaminda di e bèrdat. Si e defekto ta un limitashon, e no ta piká, manera piká, manera e no ta poko inteligente òf poko dotá pa e arte. Pero sin humildat bo no ta aseptá e propio limitashonnan. Esun ku no ta aseptá e propio limitashonnan ta eksponé su mes na bira ridikulo, por ehemplo, papiando di loke e no sa òf hasi buya di loke e no tin.

Biba segun bo konsenshi òf lo bo kaba pensando manera bo ta biba. Ke men, si bo bida no ta fiel na bo propio konsenshi, lo bo kaba tapando bo konsenshi ku teorianan di hustifikashon.

3 Lubidá bo mes. Orguyo i soberbia ta hiba ku e pensamentu i imaginashon ta drei rònt