Hotel komersial na Hato a pasa pa historia pasobra no a paga Taxateur

WILLEMSTAD. E akuerdo ku Hato Assets Company N.V. ku tabatin ku e invershonista Golden Investment Private Foundation pa konstrui un hotel komersial riba e tereno dilanti Grot di Hato a frakasá riba e ruta di mariaporkosushi.
Promé ku pone maske ta un pida piedra mester a kalkulá balor dje erfpacht kaminda nan kier a traha e hotel pero e kompania ku ta manehá tur propiedat di gobiernu na Hato a bula afó pasobra e invershonista no kier a paga e taxateur ku Korte a asigna.
A ni un vorskot e invershonista no kier a paga kende a pone komo kondishon ku e ta kobra 50% di su tarifa promé ku e bai balota nada.
Dia 22 di ougustus ultimo wes a konstatá kiko a pasa i a kondena Golden Investment pa paga e daño perwisio.

E taxateur tabata un akountent ku ta traha pa The Curaçao Financial Group N.V. ki ela manda kobra 15.000 florin ku HASCO a paga mesora pero e invershonista mes no a laga sa nada di dje.
Apesar ku e dos abogadonan dje invershonista a rekordé diferente biaha ku e por a paga te dia 27 di uni, tempu a pasa i e no a paga i e dos abogadonan ku tabata representé a retirá.
Wes a deklará e areglo entre HASCO i e invershonista komo no-valido i a kondená e invershonista na paga HASCO NAf 21.744,50.