Horor na Brasil: Polis a detené dòkter ku a violá muhé na estado durante sesaria

BRAZILIA – Outoridatnan na São João Meriti na e munisipio di Baixada, Fluminense a detené un dòkter ku a violá un muhé durante seshon di anestesia pa hasi sesaria.
For di algun tempu kaba koleganan i verplegsternan na e Hospital de la Mujer de Vilar dos Teles tabata sospecha ku dòkter Giovannie Quintella Bezerra tabata violá diferente muhé ku mester haña anestesia promé ku operashon di sesaria.
Lokual a pasa ta ku verplegsternan ku mester asistí dòkter Giovannie Quintella Bezerra a nota ku e tabata bastante nervioso algun ratu promé ku elo mester a hasi e operashon ku e muhé na estado.
Dòkter Giovannie Quintella Bezerra a pidi tur hende sali for di sala di operashon pa asina apliká anestesia riba e pashènt.
verplegsternan a pone vários telefon den e sala di operashon pa graba lokual dòkter Giovannie Quintella Bezerra tabata hasi.
Na momentu ku dòkter Giovannie Quintella Bezerra a sali for di e sala di operashon e verplegsternan a bai kue nan telefon i a opservá kiko dòkter Giovannie Quintella Bezerra a hasi.
Por a nota ku dòkter Giovannie Quintella Bezerra a manda e muhé na estado leu pa despues tene relashon seksual kuné.
E grabashon aki a verplegsternan a bai denunsia dòkter Giovannie Quintella Bezerra na outoridatnan i ku ayera tardi mes ela keda detené.