Hopi studiante ta sinti nan siudadano di segunda klase

WILLEMSTAD. Despues di a revisa e rapòrt ku Defensor di Pueblo a publika ayera nos ke sugeri pa kuminsando ku minister di Enseñansa i e hefenan dje Buro ku ta finansia estudio, tuma nan tempu pa lesa e rapòrt aki.
Pasobra nos mes ku no tin diploma di “derde klas lagere school” anto esei ta for di tempu ku tabatin berdadero edukadornan ulandes (frater i soeurnan) i laiko kurasoleño, a kompronde ku e rapòrt di Defensor di Pueblo ulandes riba nos sistema di laga muchanan bai studia na Ulanda, ta kan-kan di fayo.
Unabes na Ulanda i nan no por hasi esaki ni esaya, nan lo puntra “…. ata nos tin nashonalidat ulandes i ata nos ta biba na Ulanda?
” Toch in Nederland?
E kosnan aki ta laga e studiante sinti ku e ta un siudadano di segunda kategoria na Ulanda, e impreshon ku nan ta ekskluyé na skol, ora e papia nan idioma di manera atrasá i nota e diferensia kultural.
E faktornan aki ta kousa problemanan sosio-kultural ku ta pone nan kai atras ku nan estudio i hasta pone ku nan ta stop di bai skol of universidat.
Riba e tereno aki e studiantenan no tin apoyo i guia anto pa kolmo despues di nan estudio, a bin e problemanan finansiero di paga debe di estudio.