Hopi ferfelu..ounke nos no ke ta negativo.. Kim Agard tin di operá rudia !! I ta afó pa tempu indefiní…

Deporte 5 Star hamas ke ta negativo, paso nos trayektoria di skibimentu i di bida ta indika ku nos ta un persona sumamente positivo, ounke si realístiko i tin biaha basta kritiko hasta ku nos.

Kere nos ku ayera kasi nos no a drumi despues di risibí un “app” for di Colombia di e sòftbolista estrea Kimberly Agard catcher di Pichingolo i Selekshon ku e la fraktura su “kruisband” di rudia i tambe miniskus, i ku e lo tin di hasi un MRI.

Segun diagnóstiko operando e tin di keda 1 aña sigur si ta aktivo den su deporte.

Kimberly “Kim” Agard a leshoná den play-off final di sòftbòl ora e la bai buska un bala i dal den e betòn dje “backstop” ku tin na parke Sam Buntin.

E leshon na su rudia ta asina serio ku e sòftbolista estrea a hañ’é den e posishon doloroso aki. Ayera nochi nos mester a manda e kopia dje “app” ku nos a haña di Kim Agard pa tantu e presidente di federashon di sòftbòl ku ta Sr. Eduard Martis i Sra. Joyce Van Het Kruys ku ta gerente dje parke ku ta karga e nòmber dje ilustre dirigente di softball ku ta Sr. Sam Buntin (dfm).

E pregunta grandi ta, ken ta responsabel ?? 5 Star a komprondé ku tabatin tim ku promé ku kampeonato a reklamá e situashon, pero no a hasi nada. A protesta e situashon serka Umpire, kende nan tambe a laba nan man.

E lokual ta pasando aki ta sumamente lamentabel kaminda un hóben deportista ta leshoná pa negligensha, paso ku e betòn riba e tereno ei no ta responsabel pa hasi deporte ku trankilidat.

Papa Dios yuda nos atrobe !!

Esaki ta e “betòn” den e parke den kurason di Brievengat. Lamentablemente e la kobra un víktima. Ken ta responsabel ??? Ban spera ku ounke ta nos amigu SVB por yuda ku e hóben estrea di deporte aki lo por operá na Colombia i un dia regresá “play”.