Hòmber ku a su eks frei na estado i mata polis na Orlando lo por haña kastigu di morto

ORLANDO – Markeith Loyd un afroamerikano ku a mata un polis muhé dia 9 di yanüari di aña 2017 na momentu ku esaki tabata bai arest’é, su kaso a keda tratá ayera den korte.

Tin 5 kargo kontra Markeith Lloyd di kual esun ku ta mas pisa ta ku ela tira agente polisial ku yama Debra Clayton (42) mata.

E motibu dikon agente Debra Clayton a bai trata na detené Markeith Lloyd ta debí ku e tabata fugitivo di hustisia ya ku tabata busk’é pa asesinato di su èks frei na estado ku yama Sade Dixon na desèmber di aña 2016.

Testigunan ku a presensia lokual a pasa tabata presente  den korte ayera i a testiguá ku Markeith Lloyd a kita e arma di agente Debra Clayton i tabatin opshon pa kore bai.

Pero a opta pa kaba ku tur e balanan den e arma di kandela riba agente Debra Clayton.

E hurado ku tabata konsistí di 9 hòmber i 3 muhé lo bolbe djasabra pa disidí ku Markeith Lloyd lo mester keda kondena na kastigu di morto of ta haña kastigu di bida largu.