Hòmber ku a menasa di mata Anthony Fauci a keda sentensia na 3 aña di kastigu di prizon

WASHINGTON – Ayera wes federal Paula Xinis na Virginia a sentensia Thomas Connally (57) residente di Showshoe Virginia Beach na 3 aña di kastigu di prizon debí ku ela menasa di asesiná Anthony Fauci i hinter su famia.
Entre desèmber 2020 pa luna di yüli di aña 2021 Thomas Connaly tabata manda mensahenan di menasa via koreo elektróniko di Dokter Anthony Fauci kon elo mate huntu ku hinter su famia.
Erek Barron fiskal general na Virginia ku ta atendé ku e investigashon di e kaso aki a deklará ku tur hende por tin nan opinion riba vakunashon pero mester respetá esnan ku si ta haña ta nesesario di bakuna.
Wes Paula Xinis a bisa ku Thomas Connally no tabatin ningun derecho pa menasa dòkter Anthony Fauci i su famia di e forma aki i ta p’esei elo risibí 3 aña di kastigu di prizon.
Erek Barron fiskal general a pidi 5 aña di kastigu di prizon pa Thomas Connally pero debí ku ela arepentí i pidi Dokter Anthony Fauci i su famia pordon wes Paula Xinis a baha su kastigu na 3 aña.
Thomas Connoly a manda vários mensahe pa Dokter Anthony Fauci kaminda ela menasa di persigi e epiodomologo i su famia, bati nan mata ku bate di beisbòl i pa despues sende nan na kandela.
Tabata menasanan di menasa hopi serio ku a pone ku Dokter Anthony Fauci mester a pasa e informashon aki pa FBI tuma akshon.