Internashonal
Hòmber (55) na Florida: A keda detené despues di menasa ku elo bai kometé masakre masivo
CAPE CORAL – Kapitan David Newlan hefe di kuerpo polisial na Cape Coral a konfirmá ku ayera tardi nan a detené un hòmber ku a menasa di kometé un masakre masivo.
E menasa di masakre masivo ku e hòmber identifiká komo Ira Dennis Crosser Jr. (55) a hasi riba red sosial a a pone ku outoridatnan a tene un entrada hudisial i bai areste di inmediato na su residensia na Cape Corel.
Kapitan David Newlan a bisa ku polis a detené Ira Dennis Crosser Jr. i konfiská vários arma di kandela i munishon ku e tipo aki tabatin na su residensia na Cape Coral.
No tin ningun duda ku Ira Dennis Crosser Jr. lo por tabatin mal intenshon pa kometé un masakre masivo konsiderando ku esaki a pasa tambe na Uvalde (Texas) i Highland Park (Illinois).
Wes ku ta atendiendo ku e kaso di Ira Dennis Crosser Jr. a imponé un fiansa di $25.000 pa su libertat pero debí ku e no tin plaka pa paga esaki, ela keda detené na un sentro di detenshon na Cape Coral.