Holó malu tabata un pista ku a guia e grupo di búskeda na ulandes pèrdí

WILLEMSTAD. Originalmente outoridatnan polisial a informa ku nan tin indikashon kurpa ku e grupo di buskadó a haña den mondi ta dje turista ulandes Daniel Dresden di Leiden
Polis mester a warda ainda riba e resultado ofisial dje outopsia pero despues ku nan a lokalisá e restonan mortal no tabatin mas duda.
Di akuerdo ku informenan no-konfirma, e ulandes lo a kai den un abismo i su kurpa a keda klabá den un palu.
Djasabra e reskatistanan a konsentrá nan esfuersonan riba un teritorio sur di Seru Bientu kaminda Dresden a pèrdè for di djarason pero ora solo a baha a para e búskeda.
Den e region ei mondi ta será pero popular entre kaminantenan ku ta gusta kaminatanan riba ruta difisil.
Su siguiente dia e reskatistanan a bai riba holó malu ku tabata origina ne sitio kaminda nan a haña Dresden.
Nan a lokalisá e kurpa ku ya kaba tabata den estado di deskomposishon i despues di investigashon tekniko i forensikoding a traslada e kurpa pafó dje region.
Dresden a Sali bai kana for di djamars pero kontrali na loke ela hasi tur dia, e no a bai ku un di su yunan. E plan tabata pa via Jeremi e yega Seru Kristof pero ora e no a retorna anochi e famianan a bati alarma I yama polis.
Nan tabata preokupa tambe pasobra ela sali ku solamente un liter di awa mientras ku sin GPS of kompas ta difisil pa orienta ki direkshon un hende ta bai.
Outoridatnan a hasi tur loke praktikamente i humanamente tabata posibel pa lokalisá Dresden.