Hóben estrea di Piratas: Oneil Cruz a leshoná den Licey…

E talentoso shortstop di Piratas di Pittsburgh ku ta Oneil Cruz ku tin e nomber Oneil paso su Tata tabata fanatiko di Paul Oneil a leshoná su ènkel hungando den shortstop na Republika Dominikana ku e tim di Tigres del Licey.
E GM di Piratas Ben Cherington a konfirmá e leshon di e prospekto, i bisa ku e leshon ta parse unu menor i no di tantu preokupashon.
Cruz ta un tremendo prospekto ku ainda tin di madurá i hunga e baseball ku nan ta kere ku lo hasi di dje un Super Star.
E tin bon poder na bate i un brasa super fuerte.

Den 12 wega ku Licey e tabatin averahe di .250, ku 2 homerun.

Un di su homerunnan a pasa riba muraya di centerfield den e stadion di Cibao.