Lokal
Hoben (16) a fayesé den aksidente di tráfiko
WILLEMSTAD – E hoben Jureldrick Ortela di 16 aña nasé na Kòrsou a fayese den un aksidente di trafiko ku a tuma luga awe mainta.
Alrededor di 06.19’or, Sentral di Polis a risibí informashon di un aksidente bastante grave ku a tuma lugá riba Weg naar Westpunt na altura di Krakeel. Na yegada di e promé unidat, el a topa ku e vehíkulo ku a aksidentá kontra di un kantor di number.
For di investigashon a sali na kla ku shofùr di e vehíkulo aki tabata kore riba Weg naar Westpunt direkshon di Barber. Pa motibunan te ainda deskonosí, shofùr di e vehíkulo aki a pèrde kontrol riba su stürwil i kore den skual.
A konsekuensia di esaki, e outo a bai dal kontra di un kantor di number. Den e vehíkulo tabata tin dos hòmber, un shofùr i un pasahero sintá patras. E víktima sintá patras, ya no tabata duna señal bida. Dòkter di polis a konstatá morto di e hoben Jureldrick Ortela.Ela fayese debí na multiple herida na kabes. A transporta e shofùr ku urgensia dor ambulans pa sala di emergensia di C.M.C.
NOBO ta manda palabranan di kondolensia na famianan di e defuntu.