Hensley Meulens den su promé “Old Timers Day” u Yankees..

E eks Big Leaguer YDK i esun prome ku a hunga den Grandes Ligas Hensley Meulens a partisipa na su promé “Old Timers Day” ku e tim di Yankees.
Tabata e di 74 biaha ku Yankees ta organisá un Old Timers Game kaminda ku tabatin vários eks estrea di Yankees presente, entre nan amigu personal di Hensley ku ta Bernie Williams.

“Old Timers Day” ta perkurá pa hopi ambiente i rekuerdo entre e hendenan di Yankees.

Ku Yankees den un gran aña e ambiente tabata úniko naturalmente.
David Cone i John Flaherty ku ta traha pa Yes Network tambe a tuma parti na e aktividat.
Diana Munson, viuda di eks catcher di Yankees ku a muri den un aksidente di avion tambe tabata presente na e aktividatnan festivo.