Hefe di polis ku a wanta entrada: Pa detené asesino di masakrá na skol a keda suspendé pa mas investigashon

TEXAS – Steven McCraw direktor di Departamento di Seguridat Públiko na Texas a rekonosé for di siman pasa ku e hefe di polis na Uvalde a kometé un fayo garafal.
E fayo garafal ku kapitan Pedro “Pete” Arredondo a kometé ta di no a basha e porta di skol abou i drenta atendé ku e asesino ku a masakrá mata 21 persona.
Komo e porta di skol tabata na kandal kapitan Pedro “Pete” Arredondo a stroba ku 19 ofisial ku tabata kier
a kòrta waya pa bai atendé ku Salvador Ramos.
Steven McCraw a indika ku tin un komishon independiente ku a interogá kapitan Pedro “Pete” Arredondo riba lokual ela hasi.
Resultado di e interogashon ta ku ela balotá ku e asesino identifiká komo Salvador Ramos no tabatin e kurashi pa kometé e masakre.
Steven McCraw a splika ku Salvador Ramos tabata mihó arma ku kualkier militar di ehérsito merikano debí ku e tabatin dos rifel outomátiko model AR-15 i den su tas 660 bala.
Resultado di e investigashon di fiskal general i un komishon independiente ta ku Salvador Ramos a los
142 tiru di kual ela mata 21 persona na e skol.
Den e kaso aki ta bai tin konsekuensia sigur pa kapitan Pedro “Pete” Arredondo ku a tuma desishon inkorekto ku a awor tin 21 víktima.