Hefe di grupo Estado Islámiko na Siria a muri den atake ku dron

WASHINGTON – Koronèl Dave Eastburn bosero di Departamento di Defensa merikano a konfirmá ku ayera hefe di grupo Estado Islámiko a fayesé den un atake ku dron serka di Jindayris na Siria.
Ta trata aki di e terorista Maher al-Agal ku tabata koriendo un motersaikel huntu ku su body guard den
área di Jindayris.
Koronèl Dave Eastburn a splika ku pa algun tempu kaba nan tabata sigi pasonan di e terorista Maher al-Agal aki i ku finalmente a logra atendé kuné.
Pa lokual ta su bodyguard ku ta den estado kritiko a keda transportá pa un klínika militar na Siria.
E atake aki a tuma lugá sinku luna despues ku a militarnan merikano a likidá Abu Ibrahim al-Qurashi kende tabata lider di Estado Islámiko na Atme ku ta keda na parti nort di Siria.