Hasi tèst di COVID-19 tur dia den kaya di tèst na Salubridat Públiko

Kralendijk – Habitantenan ku keho ku parse COVID-19 por hasi tèst for di djaluna te ku djadumingu na departamento di Salubridat Públiko na Playa. Despues di traha un sita via e number grátis 0800 0800, habitantenan por bai hasi tèst for di 09:00 – 10:30 or na Kaya Gilberto F. Croes 24. Riba djárason tambe ta posibel pa hasi tèst di corona na Rincon for di 09:00 – 10:30 or tras di ofisina di dòkter Castro.

Departamento di Salubridat Públiko ta haña importante ku hendenan ta bai hasi tèst, maske ta keho leve nan tin.
E konseho ta pa hendenan keda kas e ora ei i warda riba resultado di nan tèst na kas. Durante e último simannan e kantidat di infekshon a baha konsiderabelmente. Pero ta nesesario pa sigui hasi tèst, asina e departamento a duna di konosé. Pa medio di hasi tèst ta prevení foko chikitu di infekshon ku ta lanta kabes.

Si bo tin fèrkout di nanishi, nanishi ku ta kore, nistermentu, doló di garganta, tosamentu, bo ta sinti benout, bo tin kayente di kurpa òf kentura, diripiente bo no por hole ni sinti smak mas, ta bon pa bai hasi tèst. Pa hasi pregunta tokante COVID-19 tambe suidadanonan por yama 0800 0800.