HARBOR Hotel & Casino Curaçao,… nòmber nobo pa Hotel Otrobanda

Willemstad – Hotel Otrobanda, awor ta Harbor Hotel & Casino Curaçao. E nòmber nobo a keda revelá pa medio di su propietario Jachmin Pinedo, kende a anunsiá ku e hotel ta habri na luna di Desèmbèr benidero i alabes a habri e posibilidat pa solisitut pa diferente funshon.
No ta un sekreto ku Harbor Hotel & Casino Curaçao tin un di e bista nan mas presioso riba nos haf i bahía di Santa Ana. Pa e motibu aki, e nòmber HARBOR ta esun ideal i pa duna aun mas realse na nos dushi pais, a añadí e CURAÇAO na e nòmber.
Trabounan di konstrukshon a tuma su tempu debí ku ta praktikamente un hotel nobo a ser konstrui pero a keda un hoya.
Pinedo: “Nos sentro di siudat ta úniko i e ta na mi kasa Eithel i ami su kurason pa hopi tempu kaba. Nos tur sa ku Otrobanda meresé mas atenshon i dedikashon. Esaki ta un di e motibu nan prinsipal di nos desishon pa ban invertí den nos sentro di siudat, Otrobanda.
Ku e benida di Harbor Hotel & Casino Curaçao no solamente nos ke brinda Curaçao un bunita hotèl, sino mas bien nos ke ban