Habri baño públiko na sitionan kaminda mester warda hopi riba servisio

WILLEMSTAD. Ta trata aki di lokalidatnan manera entre otro banko, botika i pakusnan. Ken no a yega di bishitá e establesimentunan aki pa algu chikitu i pasa kasi henter dia aki?
Uso di baño na e tipo di establesimentunan aki, entre otro botika, ta algu ku pa hopi tempu tabata restringí, ya ku ta spera ku e tipo di servisionan aki ta korto i pues e kliente lo retirá un bes, di moda ku e por hasi su nesesidatnan un otro kaminda.
Pero nos tur sa ku tin bes bo ta tarda mas ku lo estriktamente nesesario. I hopi bes, por ehèmpel den kaso di botika, bo no por retirá sin e kos ku bo a bin buska.
Esaki ta trese kuné un sin number di problema.
Iritashon na e kliente sigur ta unu ku ta bal menshoná, ya ku uso di baño, bien sea pa uriná, defeká òf simplemente aroá, por ta bastante pèrsistente i ta inkomodá e persona.
Sigur manera ya menshoná, si e servisio mes ta tuma su tempu i e persona no por bai sin risibí esaki.
Pues un rekomendashon sigur ta bai na esnan konserní pa por fabor purba di adaptá e servisio pa públikonan aki dor di inkluí e uso sanitario unda e bishitante por tin akseso i disponibilidat pa hasi uso di un baño den tur su komodidat.