Habitantenan di ROCO no ta pèrmiti pa deportá ningun hende pa Wechi!!

WILLEMSTAD. Habitantenan di Rif ta masha agradesido na mas ku 140 habitante ku a bin plenchi dia 19 di mei último.
Nan asistensha masal a pone ku a yama e reunion di komishon sentral a mesora pero no ta straña nan e manera ku Minister Cooper a kontestá pasobra un biaha mas a keda demonstrá ku pueblo no ta konta!!
Minister Cooper a bisa ku FKP tin derecho di hasi loke e ke ku su kasnan i ku Cooper no tin niun ròl den e kasnan di FKP den Rif. Pero tin un kos, Gobièrnu ta hinka tur aña 12 mion di nos belasting den FKP i ta hustu ku pueblo tin ku keda ketu laga FKP hasi loke FKP ke?
Sr. Con di ta un kas bieu so, so e ta bai bende. Bosnan ta kere ku FKP ta firma un akuerdo di intenshon dia 13 di desèmber ku un grupo ku ni sikiera ta inskribí na KvK pa bende 1 kas?
Bisiñanan boso ta komprondé den kiko nos ta awor aki?
Kiko e kos aki ta nifiká? Awor ta ora pa Habitantenan di ROCO uni mas ku nunka despues ku Cooper a laba su man manera pilato pasobra nan mester ta sigur ku niun hende no ta wòrdu deportá pa Wechi.
No por bai tras di palabra tirá den media i p’esei djaweps awor ta warda tur habitante di kas privá, kas di FKP, monumentonan bini bin skucha pa nan sali manera un moketa na Plenchi na Elleboogstraat