Gustavo Petro ta konsiderá ku e no ta oportuno pa Maduro asistí na su investidura

BOGOTA – Gustavo Petro presidente elekto di Colombia a afirmá ayera ku e no ta haña ku ta oportuno ku elo tin ku invitá Nicolás Maduro pa asistí na su investidura ku lo tuma luga dia 7 di ougùstùs próksimo na Bogota.
Den e entrevista Gustavo Petro a splika ku Nicolas Maduro no tabatin bon relashon diplomátiko ku e gobièrnunan di Alvaro Uribe, Juan Manuel Santos i tampoko Ivan Duque.
Gustavo Petro a bisa ku su atministrashon ta dispuesto pa drecha relashon diplomátiko bek ku Venezuela pero promé ku esaki mester sinta na mesa i atendé ku nan diferensianan.
Unabes ku esaki ta definí por rekonstruí e relashon ku Venezuela bek pero lo bai tuma tempu segun Gustavo Petro.
Gustavo Petro a bisa ku su intenshon ta pa tin tur eks presidentenan di Colombia uni dia su investidura pa
asina trese pas i prosperidat bek den e pais.