Gustavo Petro a kombersá ku Antony Blinken riba proseso di pas na Colombia

BOGOTA – Gustavo Petro presidente elekto di Colombia, Gustavo Petro a tene un reunion virtual ku Antony Blinken sekretario di estado merikano pa e atministrashon di Biden durante 20 minüt.
Primeramente Antony Blinken a felisitá Gustavo Petro pa su viktoria den elekshon presidensial i ku ta deseá e presidente nobo di Colombia hopi éksito durante próksimo kuater añanan di gobernashon.
Temanan ku a keda diskutí durante e reunion virtual entre Antony Blinken i Gustavo Petro ta proseso di pas i kambio klimatiko.
Tambe a keda diskutí ku si Merka i Colombia ta keda ku mesun strategia kontra lucha di narkotráfiko.
Durante e último dékadanan ku a pasa enbes ku trafikashon di droga a baha esaki a subi tantu pa Merka komo pa kontinente Europeo.
Antony Blinken via su kuenta di Twitter a indiká ku tabata un plaser pa ela kombersá ku presidente Gustavo Petro i ku ta spera Colombia i Merka keda ku mesun relashon diplomátiko i komersial bilateral.