Gustavo Petro a huramenta ayera komo presidente di Colombia

BOGOTA – Colombia a kuminsá ku un era nobo den polítika ku Gustavo Petro komo e promé presidente di izkierda den historia i ku a primintí transformashon.
Huntu Gustavo Petro a huramentá e ambientalista Fransia Márquez (40) komo promé vise presidente afro/colombo.
Durante e diskurso ku Gustavo Petro a duna ta ku elo bai kaba ku inhustisia, violensia i narkotráfiko na Colombia.
Esaki ta lokual ningun otro presidente di Colombia no a logra.
Gustavo Petro a bisa ku elo no bai ta presidente solamente pa esnan ku a vota pe sino pa tur 50 mion habitantenan na Colombia.
Ivan Duque presidente saliente tambe tabata presente na e investidura di Gustavo Petro.
Gustavo Petro a bisa ku periodo di gobernashon di Ivan Duque tabata unu violento debí na mal desishonnan ku ela tuma ku a kousa manifestashonnan rònt Colombia.
Den e kaso aki Gustavo Petro lo bai traha pa e pueblo i un mihó Colombia pa tur hende ku ta biba den e pais.