Gustavo Petro a gana elekshon presidensial na Colombia

BOGOTA – Gustavo Petro di e partido iskierdista Colombia Humana a gana elekshon presidensial ayera kontra di su rival Rodolfo Herandez.
E promé palabra ku Gustavo Petro tabatin na Movistar Arena na Bogota ta ku ta bai tin un kambio real na Colombia.
Gustavo Petro a bisa ku elo no bai defroudá tur esnan ku a depositá nan konfiansa den su persona i ku lo komprometé pa para e divishon ku tin na Colombia entre pober i riku, pretu i blanku.
Nicolas Maduro, Luiz Inacio Lula da Silva, Daniel Ortega i Miguel Canel Diaz ku ta lidernan iskierdistanan den Amerika Latina a manda palabranan di felisitashon pa Gustavo Petro.
Antony Blinken sekretario di estado merikano tambe a manda palabranan di felisitashon pa Gustavo Petro i a indika ku e ta spera ku Merka lo por sigi traha huntu ku su gobiernu manera tabata e kaso den último dékadanan.
Siman pasa djarason Antony Blinken a reuní ku Ivan Duque na Washington kaminda a diskutí riba vários senario di kambio ku lo por tin si Gustavo Petro gana elekshon na Colombia. Den e kaso aki lo ta interesante pa wak kon e situashon lo por kambia ku awor tin un lider iskierdista ta na poder na Colombia.