Gustavo Petro a atvertí ku si tin froude elektoral Maduro tin di sufri konsekuensia

BOGOTA – Gustavo Petro presidente di Colombia despues di a mantené silensio riba lokual ta pasando a sali manda un atvertensia serio den direkshon di Nicolas Maduro. Durante presidente Gustavo Petro su rueda di prensa ayera a splika ku si realmente Nicolas Maduro a pone preshon riba CNE (Consejo Nacional Electoral) pa anunsiá ku ela gana elekshon esaki lo bai ta su fin.
Colombia mes tin kasi 75 aña di violensia kasi permanente kaminda mas ku 700.000 suidadano a pèrdè nan bida.
Lokual ta pasando awor na Venezuela ta bayendo den mesun direkshon ku Colombia debí ku un grupo kier keda na poder pa semper pa asina nan por sigi malversá fondonan públiko di nan pais.
E aktonan aki ta trese mas violensia bek entre Venezuela i Colombia ku ta algu ku no ta kumbiní ningun hende segun Gustavo Petro.
Finalmente Gustavo Petro a bisa ku si Nicolas Maduro a pèrdè elekshon e tin ku kumpli ku mandato di e pueblo i entrega poder na Edmundo González Urrutia.
Ta parse manera Gustavo Petro ta hungando un wega debí ku na momentu ku e mester a vota durante e reunion di OEA pa tuma akshon na Venezuela e no a hasi esaki.