Guns N’ Roses programá pa dia 23 di yüni 2022 den konsierto na Hulanda

Guns N’ Roses huntu ku nan special guest Gary Clark, ganadó di premio Grammy, lo ta den konsierto den luna di yüni otro aña na Hulanda. E legendario banda di Rock di Los Angeles lo tin un presentashon so na Gronningen durante nan tour den Europa. Nan último presentashon na Hulanda tabata na 2018 den Nijmeegen Goffertpark.
Guns N’ Roses (GNR) a lanta na 1985 i dos aña despues nan a saka nan prome álbum “Appetite for destruction”. Final di añanan ochenta I komienso di nobenta Guns N’ Roses tabata e banda di rock mas popular na mundu. Ku hitnan manera “Sweet Child O’ Mine”, ”Paradise City” I “November Rain” a kosecha hopi éksito.