Guillermo Lasso presidente di Ecuador a aseptá renunsia di tres minister

QUITO – E atministrashon di Guillermo Lasso ta den un krísis ainda despues ku tabatin 18 dia di manifestashon di indigenasnan relashoná ku e inflashon na Ecuador.
Pa kolmo ayera tres minister di Guillermo Lasso a entrega nan renunsia debí ku no tin konfiansa mas den su forma di goberná.
Den e kaso aki presidente Guillermo Lasso a aseptá karta di renunsia di Simón Cueva (Ekonomia i Finansa), Ximena Garzón (Salu Públiko) i Marcelo Cabrera (Transporte i Obras Públiko). Guillermo Lasso a tene un rueda di prensa ayera tardi mes indikando ku tin tres kandidato pa remplasá e tres ministernan ku a entrega nan karta di renunsia. Lokual ku lo bai pasa awor na Ecuador ta ku e atministrashon di Guillermo Lasso a firma un akuerdo di kompromiso pa analisá e dies eksigensianan ku e indigenasnan a presenta kune.
Pa mayan e gobiernu di Guillermo Lasso lo tin ku reuní i diálogo ku lidernan indigenasnan na Ecuador.